.jpg)
თარიღი: 2012წ, 24 აპრილი, 15:30 - 16:25
წამყვანი: კახიშვილი კახა
სტუმარი: „სამოქალაქო საზოგადოების და დემოკრატიის განვითარების ცენტრის“ ხელმძღვანელი ბოჟაძე ლადო
– „ქართული ოცნება-დემოკრატიული საქართველოს“ პარტიის დაფუძნების ყრილობაზე „ეროვნული ფორუმი“ არ მიუწვევიათ. გუბაზ სანიკიძის პოლიტიკური წონა „ქართული ოცნების“ ლიდერებს აშინებთ და მის ჩრდილქვეშ ყოფნა არ უნდათ. პარტიის დაფუძნების ყრილობაზე გუბაზ სანიკიძისა და კახაბერ შარტავას დაუპატიჟებლობის მიზეზი „ეროვნული ფორუმის“ მაღალი რეიტინგია. „ქართულ ოცნებაში“ მყოფი გარკვეული ძალებისთვის ისინი საშიშ კონკურენტებს წარმოადგენენ. „ქართული ოცნება-დემოკრატიული საქართველოს“ პარტიის თავმჯდომარედ მანანა კობახიძეზე გამოცდილ და პოლიტიკური წარსულის მქონე კანდიტატურას ველოდი.
– ხელისუფლებას საარჩევნოდ უკონტროლო ხმების დიდი რესურსი აქვს. საარჩევნო გარემოს გაუმჯობესებისა და საარჩევნო სიების დაზუსტების გარეშე არჩევნების ჩატარებას აზრი არ აქვს. ბოლო დროს განხორციელებული საკანონმდებლო და საკონსტიტუციო ცვლილებები ცხადჰყოფს, რომ ხელისუფლება წინასაარჩევნო მზადებაშია. ხელისუფლება ბიუჯეტს თვითნებურად განკარგავს და ამომრჩეველთა მოსყიდვას სხვადასხვა გზებით ცდილობს.
– საკონსტიტუციო ცვლილების მიხედვით, 21 წლის ახალგაზრდას პარლამენტარობის უფლებას აძლევენ. ჩემთვის გაუგებარია, რატომ უნდა დაკომპლექტდეს პარლამენტი 21 წლის „გენიოსებით“. ვინ მისცემს ხმას გამოუცდელ ახალგაზრდებს? შესაძლოა, ამ საკონსტიტუციო ცვლილებით „ნაციონალები“ მათ მიერ მართული ახალგაზრდების ხელისუფლებაში მოყვანას ცდილობენ.
No comments:
Post a Comment