თარიღი: 2012წ, 25 აპრილი, 17:30 - 18:25
წამყვანი: მუმლაძე რუსუდან
სტუმარი: „ქართული აკადემიის“ ხელმძღვანელი ნანეიშვილი თემურ, ცაგერის საარჩევნო ოლქის მაჟორიტარი დეპუტატი კოპალიანი კარლო
– აქამდე ხელისუფლების შესაცვლელად მხოლოდ ერთი სტრატეგიით – მიტინგებითა და აქციების მოწყობით ვმოქმედებდით. ყოველთვის, როდესაც ხმაურიანი გამოსვლები იწყებოდა, სამოქმედო გეგმა გარკვეული არასდროს ყოფილა, არ ვიცოდით როგორ დამთავრდებოდა ყველაფერი. „ქართული ოცნება“ შეცდომების გამეორებას აღარ აპირებს. ბიძინა ივანიშვილი აცხადებს, რომ სექტემბრისთვის ტემპერატურა იმ დონემდე აიწევს, რაც ხელისუფლების შესაცვლელად არის საჭირო.
– ხალხი რეგიონებში უფრო დათრგუნულია. ჩვენ ბიძინა ივანიშვილს ასეთი რამ შევთავაზეთ: რეგიონებში ჩავიდეთ ხანგრძლივი დროით, გავმართოთ კონფერენციები და ვიცხოვროთ მათთან ერთად. აუცილებელია, რომ არჩევნებში მონაწილეობა რაც შეიძლება ბევრმა ადამიანმა მიიღოს. თუ ხალხი გამოფხიზლდება და არჩევნებზე მივა, ხელისუფლებაც შეიცვლება.
– ბიძინა ივანიშვილი და მისი კოალიცია ხელისუფლებაში მაინც მოვლენ, რადგან მათ ხალხი უყვართ. ღრმად მწამს, რომ ეს მოლოდინი არ გაგვიცრუვდება. სააკაშვილს ნუ ჰგონია, რომ რეგიონებში მას ხალხი მხარს უჭერს და მის საოცარ ტყუილებს იჯერებს. ხალხმა მახათას მთაზე მისი რეალური სახე კარგად დაინახა.
No comments:
Post a Comment